Strateji baxışımız

Potensial investorları ölkənin fond bazarına cəlb etmək və Azərbaycan Respublikasının iqtisadiyyatına sərmayə qoymaqda aparıcı şirkət olmaq. Ölkənin bütün regionlarının potensialından geniş istifadə etmək.

Missiyamız

İqtisadiyyatın prioritet sahələrinə investisiyaların cəlb edilməsi və investisiya layihələrinin hərtərəfli dəstəklənməsi yolu ilə Azərbaycan Respublikasının davamlı sosial-iqtisadi inkişafına təsir etmək.

Dəyərlərimiz

Qlobal təcrübə – Biznesimizin əsasında dürüstlük, keyfiyyət, əməkdaşlıq və yenilikçilik prinsipləri dayanır. Qlobal təcrübə və innovasiyanı birləşdirərək, investorlarımıza əlverişli imkanlar təqdim edirik. Müştərilərə şəffaf və dürüst yanaşır, yüksək standartlara riayət edirik. Əməkdaşlıq və etimad üzərində qurduğumuz münasibətlər müştərilərimizlə uzunmüddətli tərəfdaşlıqlar yaradır. Gəlirliliyi müştərilərimizin loyallığı və strateji həllərlə artırırıq. Uğurumuz müştəri məmnuniyyətinə əsaslanır.
Bilik – Biz müştərilər, tərəfdaşlar və təchizatçılarla əməkdaşlıq edərək qarşılıqlı maraqlar çərçivəsində inkişafı və etimadı əsas tuturuq. Məlumatların uzunmüddətli toplanması və təhlili ilə bazar tendensiyalarını izləyir və investisiya üçün perspektivli istiqamətləri müəyyən edirik.
İnsan kapitalı – Komandamız Şirkətin məqsədlərinə çatması üçün əsas bacarıq və ixtisaslarını daim təkmilləşdirən, çətinlikləri artım fürsəti kimi dəyərləndirən peşəkarlardan ibarətdir. Komandamız müştəri təcrübəsini təkmilləşdirmək, onların problemlərini anlayaraq əsaslı həll yolları tapmaq üçün məsuliyyət götürür. Biz iş mühitinin, eləcə də idarəetmə tərzinin yaxşılaşdırılması ilə peşəkar liderlər üçün ən arzuolunan işəgötürən olmağı hədəfləyirik.

Strateji hədəflər

    ● Kommunikasiya siyasətini təkmilləşdirərək investorlarla açıq məlumat mübadiləsi aparmaq və etibarlı tərəfdaş imicini formalaşdırmaq istiqamətində tədbirlər həyata keçirmək
    ● Proqram təminatı vasitəsilə investorların əməliyyatlarının şəffaf və dəqiq uçotunu təmin etmək, statistik məlumatları düzgün əks etdirmək və investisiya sənədlərinə əlçatanlığı artırmaq. Proqram təminatından istifadə edilməsində funksionallığı və səmərəliliyi artırmaq
    ● Korporativ strukturu beynəlxalq standartlara uyğun formalaşdırmaq və idarəetmənin şəffaflığını artırmaq
    ● Yüksək ixtisaslı kadrların cəlb edilməsi və saxlanılması üçün vahid kadr siyasətini formalaşdıraraq insan kapitalına yatırımları maksimum dəyərə çevirmək. Peşəkar inkişaf və şəffaf mükafatlandırma siyasətini bu strategiyanın əsas prinsipinə çevirmək
    ● Səmərəlilik, risklərin idarə edilməsi və likvidliyin qorunması prinsiplərini rəhbər tutaraq, xərclərin optimallaşdırılması, idarəetmə hesabatlarının təkmilləşdirilməsi və pul vəsaitlərinin effektiv idarə edilməsi istiqamətində tədbirləri həyata keçirmək